Husomba jala hupuji hami goarMu ale Tuhan, disiala hupakkilala hami godang
ni asi ni rohaMu di saluhut panggulmiton ni ngolu nami, apala tongon di bagasan
borngin na mansai uli bulung on marpungu hami, pinadomu ni asi dohot pasu-pasuM
tarbaen hami tolhas tu bagas ni dongannami apala di borngin on. Di naung
mangula hami sadari bolon jala masihol hami di hataMi ale Tuhan, hutadinghon
hami akka na rikkot di ngolu nami, bagas nami, ulaon nami nang saluhut dongan na
huhaholongi hami, na jonok sian hami songoni na dao sian hami be. Hu pasahat
hami ma saluhut nai tu bagasan tanganMu na gok pasu-pasu i, asa ramotionMu ma
saluhut nai ale Tuhan, di na mauas hami di hataMi, dipapungu Ho hami di bagasan
hahipason, taripar hami tu bagas ni dongan nami apala di borngin on, naeng
begeon nami ma attong hataMi ale Tuhan, attong makkuling ma Ho, ai
manangi-nangi do hami ianakkonMon, Amen.
Syalom dan selamat malam buat teman-teman sekalian appara, akkora, iboto dohot akka lae niba. Addorang so sahat ma hami tu bagasan sharing, nian
nunga mar piga-piga hali parjuppahanta di nasai laon, mungkin appara nami naung
somal marsigoraan nunga agak mananda iba saotik, alai nadeba mungkin boi sahali
do nunga mananda alai tanda suharto inna. Asa songon ni dok ni opputta
sijolo-jolo tubu: marhosa-hosa sunting,
marsiusungan doppak dolok, ala ni labbok ni pakkuling, na holang gabe jonok. Tak
kenal maka tak sayang nina, kenal maka sayang, ia hami marga Gultom, inong boru
Sinaga. Tinggal di Tigadolok ma inong sonari, 5 ma hami mar hahamaranggi. 4 bawa
1 boru, 2 nunga marhasohotan, no 1,2 jala au ma na patoluhon, apala ditorunami
ma ibotonami di Siantar do ibana nuaeng mangula. Jala siappudan nami lagi
kuliah semester akhir dope di Akademi Pariwisata negeri Medan. Anggo inong
tading sahalakna nama di huta, ai nunga jumolo bapa dijou Tuhan apala di bulan
Agustus 2015 i dope. Songoni ma songon panandaion sian hami.
Tangan do botohon, ujungna
jari-jari, bakko ni hata si dohonon, asal ma jumolo marsattabi. Alani i akka dongan niba, dison husuba hami majo
manghatai di bagasan 2 bahasa, manang digoari mai bilingual. Bahasa Indonesia dohot
batak. Sipata sihol roha marbahasa batak hinorhon ni lingkungan ni ulaon. Jala
molo adong pe hata nami na hurang lobi, pissang jala ajari hamu hami. Ai
husadari hami, hurang dope hami diakka ruhut-ruhut nang panghataion. Attong
molo unggodang pe marbahasa batak manang bahasa Indonesia, nauli mai ate akka
dongan. Mauliate.
Ala beriringan do nuaeng partangianganta di partinghian on dohot ari Valentine, asa
goraon hu ma selamat hari valentine ma di hita saluhutna, jala hupangido hami ma
hita saluhut na marsijalangan dohot dongan na di sampingta be jala tadok ma jo,
“aku mengasihimu”.
Teman-teman yang terkasih, hu suba hami do nian addorang so sahat dope
partikkian on di borngin on lao mangalului topik sharing na berhubungan dohot
hari bersejarah sadarion alai dang tolhas nahinirim ni roha i, ai dang roha
niba haroa. Jadi, addorang so tauduti, di tingki di dok akka dongan pengurus na
lao manguluhon partangiangan dang tarbaen mangalului pangula full timer torus
jala sepakat ma manotophon kesimpulan asa sifatna tidak monoton harus diuluhon
full timer, jadi dipamasa ma sharing. Attong ide na denggan doi dan disambut
akka dongan-dongan do secara positif, asa dohot on ma hupabotohon hami saotik
asa unang sukkun-sukkun aka roha ni dongan na apala on dope ro. Jadi kebijakan
na denggan doon, jala ta jalo ma on dohot denggan akka dongan, asa marhite on boi ma hita gabe pasu-pasu. Jala
unang ma gabe terbebani hita lao sharing, kemungkinan sekali hita bingung dang
binoto aha lao spasahaton di sharing. Na margoar sharing, attong pardalanan ni
ngoluttai ma tahatahon di son, ai pardalanan ni ngoluttai do gabe jamita
namangolu di hita suang songoni nang tu humaliang ta. Songon iba sahalak
pangajari nuaeng, ai molo teori na nijaha i do pinatorang tu angka dak-danak i,
maol do diattusi nasida, alai anggo pengalaman manang na nialaman niba
nasailaon pina jojor tunasida, lebih berkesan dan membekas jala hatop diattusi
nasida. Suang songoni do nang jamita maang sharing. Asa godangan akka parjamita
tabege, ingotan do hita di kesaksianna sian akka teori teologi na pinasahat
nasida. Dang na mandok teori teologi tidak penting, justru penting, namun ketika
bersaksi itu adalah praktek teologinya. Attong yakin dan percaya ma hita. Kalau Siantar Rap foundation mengatakan buat apa wajah tampan kalau tidak orang
batak. Attong taplesetton mai buat apa orang batak klo tidak berani sharing.
Jala diuduti mai muse, bangga jadi batak, buat batak jadi bangga. Alai lebih
keren mai muse molo bangga jadi pengikut kristus, buat kristus jadi bangga.
Teman-teman yang terkasih kami
undang teman-teman untuk membuka ayat sharing kita kali ini yang dituliskan
oleh seorang nabi yang saya percaya beliau adalah Nabi teladan bagi teman-teman
dan saya, yaitu 2 Musa 3:8/ Keluaran 3:8.
Hujaha hami majo parjolo di hata batak, diuduti ma muse ta jaha di hata
Indonesia “Sebab itu Aku telah turun untuk melepaskan mereka dari tangan orang Mesir, dan menuntun
mereka keluar dari negeri itu ke suatu negeri
yang baik dan luas, suatu negeri yang berlimpah-limpah susu dan madunya,
ketempat orang Kanaan, orang Het, orang Amori, orang Feris, orang Heri dan
orang Yebus”. Demikian firman Tuhan.
Teman-teman yang terkasih, sebelum kita jauh membahas apa makna isi dari
ayat ini, alana sharing do sifat na, jadi flexible ma hita. Tauji ma jo
mangalapati ayat on ganup marsada-sada. (pilih beberapa orang). Jadi ai godang
nai dope akka dongatta ate, mungkin muse pe tauduti tajalo pendapat ni nasida.
Mauilate ma di akka dongan nami naung mangalehon pangalapation taringot tu ayat
on.
Jadi, molo hulapati hami, saluhutna akka masukan na denggan doi, jala
memperkaya sharing on doi. Adong ma 2 di oddolhon ayat on tu hita, ima:
1. dari tangan orang Mesir (kita tahu ketika bangsa israel di tanah mesir
penuh dengan siksa dan derita, bekerja di bawah perbudakan raja Firaun pada
hati H i. Boi nuang ta bayakkon molo sahalak pangurupi manang digoari mai
pangalap gogo/parripang manang na aha pe goar ni i di luat ta be. Tunduk jala
ikkon patuh do mangulahon saluhut na nidok tuanna. Mansai hassit do. Secara
duniawi memang, diulahon pamatang alai maralo sipata tu roha, sebahagian kecil
dope i dibandinghon na pinamasa ni halak Misir tu bangso Israel. Porsea au rap
mangattusi do hita di sejarah ni i, di tikki hita SM najolo)
2. negeri yang baik dan luas, suatu
negeri yang berlimpah-limpah susu dan madunya, ketempat orang Kanaan (negeri yang penuh dengan kelimpahan, apa saja ada.
Udara segar, pemandangan yang asri, tempat wisata, makanan yang cukup, penuh
dengan rejeki melimpah, masyarakatnya menengah ke atas, pekerjaan yang enak,
gaji yang tinggi, adanya kebebasan, kemerdekaan, toleransi, tidak ada teroris
dsb) mungkin sahali boi doi sude dapot hita disi asa didok mai negeri yang
berlimpah susu dan madu.
Di hita dongan punguna si raja sonang. Tauji ma jo mangingot tinghi hita
addorang so sahat dope jala nunga sahat tu balikpapan on. Yang pasti, ketika
kita menerncanakan untuk keluar dari bona ni pasogit adalah untuk hidup yang
lebih baik. Marragam latar belakang partolhasta tu balikpapan on. Adong mai
alani haccit ni parngoluon di huta, maol ni parkarejoan juppa hita di huta,
merubah nasib nina nadeba, adong ma ala ni kabar ni kalimantan na maccai angur
binege, hinorhon ni balga ni sinamot dison. Alai gumodangan ma alani haccit ni
ngolu do bikkasta umbaen na sahat hita tu tano Borneo on, jala dang holan hita
manghatindanghon i, dohot lan akka naasing pe di hatindangkon doi.
Teman-teman yang terkasih, ahama nalaho sidohonon disi! Di gombarhon do na
di Mesir i luat na maccai menderita di hilala bangso Israel hati H i, ido na
nidok ni turpuk on, nian dang na apala mandok hutatta i huta apala na haccit na
penuh siksa dan derita, alai tadok mai maol ni mangalului sinadongan.
Molo tapaihut-ihut do angka naung di hatindakkon akka dongan tarlumobi ma
akka naung tumua, jala di hatindanghon nasida do haccit ni parngoluon di huta
suang songoni tinghi nasida baru sahat dope tu luat on.
Na paduahon nadidok ni turpuk on, dipaingot do hita, bahwasanya balikpapan
adalah kota yang penuh dengan berkelimpahan, penuh dengan susu dan madu. Porsea
ma hita disi akka dongan, jala boi doi taida diakka tiur ni pikkiran, ulaon,
pangkat, jabatan, las ni roha, sinamot nang lan dope akka naasing. Nina rohakku
dang adong sian hita na sahat tu balikpapan on mamboan motor, mobil,
parkarejoan suang songoni nang sinamot na godang. Mungkin on boi diterima akka naung
mandapot parkarejoan. Na gabe sukkun-sukkun, parsidohot do on tu angka na so
mandapot karejo dope? Tauji ma jo taingot songondia do pardalanan ni bangso
israel menuju tano Kanaan, marragam masalah jala cobaan nadidopi nasida, sipada
dang porsea nasida dihata ni Tuhan i dohot lan akka naasing. Menuju tano kanaan
yang penuh dengan berkelimpahan memang butuh kesabaran dan perjuangan. Songon
paddohan na mandok sebuah berlian yang mahal harus di tekan dan di press
ataupun butuh banyak proses untuk menjadi terlihat menarik dan bisa dijual
dengan mahal. Songoni nang batu akik, kalau sebatas batu biasa itu tidak
menarik dan punya nilai yang mahal, jadi butuh proses yang lama, diasah, di
press dan di vermak sehingga jadi batu yang cantik dan mahal. I do nadiadopi
bangso israel hati H i, menuju tanah Kanaan, banyak rintangan yang akan mereka
hadapi disana. Mereka harus berhadapan dengan orang amori dan bangsa lainnya
yang harus mereka takhlukkan. Dung sahat hita di balikpapan on, kita bagaikan
berkompetisi. Mungkin Tuhan berkata, ikkon adopanmu ma halak dayak, banjar,
cina, manado, kupang dohot lan akka naasing. Ala ni i, margogo ma hita. Punguan
naposo bulung raja sonang inganan ta mar tukkar pikkiran, inganan
marsitukkol-tukkolan diakka parukkilon, satahi sapanghilaan, sai anggiat ma
puanguan na tarpasu-pasu punguanta on, sai anggiat ma marhite punguantaon gabe
dalan diakka dongan na so dapot karejo dope, inganan ma on dihita marsaor jala
tangiang marsitangiangan hita ganup. Ala hubukka hami do mardongan uppasa
nangkin asa tutupon nami ma muse mardongan uppasa.
Attong, habang pidong si bigo,
paihut-ihut bulan, saluhut akka natapangido, sai tibu ma di pasaut Tuhan.
Tonggi ma sibahut, tabo ma pora-pora,
Gabe ma hita di bagasan Tuhan luhut, jala sude ma hita mamora.
Molo adong pakkataion nami na hurang lobi, digijjang ni i saluhutna,
marsobba hami 10 jari-jari pa 11 simajujung. Songoni ma naboi hupasahat hami.
Martangiang ma hita.
Mauliate ma Tuhan di ari nauli ari na tiur na dilehonMu di hami tongon
apala saborngin on, nunga hubege hami hataMi, otik godang boi hulapati hami
sian hataMi, nuaeng naeng pakkeon nami mai gabe bohal di hami disaluhut di
panggulmiton ni ngolu nami, attong pasu-pasu ma hami ase boi pakkeon nami i,
gabe sulu-sulu ma i di na golap jala tukkot nami di na landit. Suang songoni
dongan nami nappuna bagas partangiangan nami saborngin on, gabe bagas na gok
las niroha jala gok pasu-pasu on ale Tuhan, pasu-pasu na niula ni tangan
nasida, tu dia pe nasida mangalakka sai toktongma di ramoti tuhan. Tabbai akka
pajjapalan na lomak dinasida, asa marsonang ni roha nasida manguduti akka
ari-ari nasida tujoloan on. On pe ale Tuhan dina mardomu srang ma hami satokkin
nai sian bagas ni dongan nami on, pasu-pasu jala ramoti ma hami di pardalanan,
sonang so haribu-ribuan hami sahat tu bagas nami be, suang sonbgoni nang dongan
nami na tading di bagas on, asa toktong ma ramotanMu nasida. Satokkinnai pe ale
Tuhan di na paulak gogo hami ale Tuhan disiala nanung mangula hami sadari
bolon, jala papeakon nami ma pamatang nai tu gaup podoman nami be, asa
surdukkon ma tangan Mu na sun badia i mangaramoti hami saluhutna, dibagasan
Kristus Jesus martangiang hami, amen.
Horas..
Dibawakan oleh Coki Gultom, S.Pd.
14 Februari 2016
Tidak ada komentar:
Posting Komentar